मकालु खबर
ताजा, शुलभ, निष्पक्ष

लगानी बोर्डको सिइओे नियुक्ति गैरकानूनी भन्दै अदालतमा रिट

सुशील भट्टको नियुक्तिविरुद्ध पाटन उच्च अदालतमा निवेदन दर्ता

काठमाडौं । लगानी बोर्डको प्रमुख कार्यकारी अधिकृतको (सिइओ) नियुक्तिविरुद्ध अदालतमा मुद्दा दर्ता भएको छ । सिइओे नियुक्तिको विषयमा विवाद हुदै आएको थियो ।

अधिवक्ता जयबहादुर भुजेलले आइतबार सुशील भट्टको नियुक्तिविरुद्ध पाटन उच्च अदालतमा निवेदन दर्ता गरेका हुन् । उक्त निवेदनमा मन्त्रिपरिषद्को साउन १९ गतेको निर्णयको सो नियुक्तिसम्बन्धी निर्णय कार्यान्वयन नगर्न नगराउन अन्तरिम आदेश जारी गर्न माग गरिएको छ ।

निवेदनमा नेपाल सरकार मन्त्रिपरिषद्, लगानी बोर्ड, लगानी बोर्डको प्रमुख कार्यकारी अधिकृत नियुक्तिका लागि सिफारिस समिति र सुशील भट्टलाई प्रतिवादी बनाइएको छ । रिट निवेदनमा भुजेलले लगानी बोर्डको प्रमुख कार्यकारी अधिकृतको रुपमा भट्टको नियुक्ति पहिलो चरणमै गैरकानूनी रहेको देखिएको भन्दै उक्त नियुक्तिउपर उत्प्रेषणको परमादेश माग गरेका हुन् ।

प्रतिकृयाहरु
Loading...