सिद्धार्थ बैंकको नँया शाखा नरेफाँटमा

काठमाडौं । सिद्धार्थ बैंक लिमिटेडले काठमाडौंस्थित नरेफाँटमा नयाँ शाखा सञ्चालनमा ल्याएको छ ।

आज (बुधबार) बैंकले नरेफाँट क्षेत्रका सर्वसाधारण तथा उद्यमीेमाझ सबै प्रकारका निक्षेप तथा कर्जा कारोबार सुविधा, रकम भुक्तानी लगायत सम्पूर्ण बैंकिङ्ग सेवा सहज ढङ्गले पुर्याउने उद्देश्यका साथ उक्त शाखा सञ्चालनमा ल्याएको हो ।

अहिले कोरोना भाइरस महामारीको अवस्थामा पनि बैंकले सतर्कताका विधि अपनाई आफ्ना सबै शाखाहरुबाट बैंकिङ्ग सेवा तथा सुविधाहरु निरन्तर प्रदान गरिरहेको छ । सजिलो बैकिङ्ग सेवा (शाखारहित बैंकिङ्ग), एटिएम, पिओएस मेसिनका साथै निक्षेप तथा कर्जा सुविधा, घरमै बसेर बैंक खाता खोल्न सकिने अनलाइन सुविधा, रेमिटेन्स सेवा, एटिएम कार्ड, ३०० भन्दा बढि व्यवसायिक केन्द्रहरुबाट विशेष छुट प्राप्त गर्न सकिने गरि जारी गरिएको UNO क्रेडिट कार्ड जस्ता सेवा मार्फत् उच्चस्तरिय बैकिङ्ग सेवा प्रदान गर्दै आएको बैंकले जनाएकाे छ ।