बिपी कोइराला स्वास्थ्य विज्ञान प्रतिष्ठानमा ७२ कोरोना सङ्क्रमितको उपचार हुँदै
मकालु खबर
२०७७ असार ६ गते
काठमाडौँ । बिपी कोइराला स्वास्थ्य विज्ञान प्रतिष्ठान धरानमा ७२ जना कोरोना सङ्क्रमितको उपचार भइरहेको छ ।
हालसम्म प्रतिष्ठानमा ७२ जना कोरोना सङ्क्रमितको उपचार भइरहेको र उनीहरू सबैको स्वास्थ्य अवस्था सामान्य रहेको प्रतिष्ठानका प्रवक्ता डा. निदेश सापकोटाकाले जानकारी दिए ।
प्रतिष्ठानबाट उपचारपछि ११५ जना निको भएर डिस्चार्ज भइसकेको प्रवक्ता सापकोटाले बताए । यस्तै प्रतिष्ठानको प्रयोगशालामा हालसम्म ७,८१४ जनाको नमुना परीक्षण गरेकोमा ७,६०३ जनाको रिपोर्ट नेगेटिभ आएको छ ।
नेपालमा कोरोना सङ्क्रमितको सङ्ख्या शनिवार सम्म ८ हजार ६ सय ५ पुगेको छ । आज मात्रै ३३१ जनामा कोरोना पुष्टि भएको थियो । हालसम्म १ हजार ५ सय ७८ जना निको भएर डिस्चार्ज भइसकेका छन् । कोरोना सङ्क्रमण पुष्टि भएपछि मृत्यु हुनेको सङ्ख्या २२ पुगेको छ ।
मकालु खबर
२०७७ असार ६ गते
प्रतिक्रिया
सम्बन्धित