आइसियुमा मृत्यु भएकाको रिपोर्ट नेगेटिभ
मकालु खबर २०७७ जेठ २४ गते
चितवन । भरतपुर अस्पतालको आइसियुमा शनिवार बिहान मृत्यु भएका माडी–६ कल्याणपुरका २७ वर्षीय पुरुषको कोरोना रिपोर्ट नेगेटिभ आएको छ ।
भरतपुर कोभिड १९ परीक्षण प्रयोगशालामा उनको स्वाब परीक्षण गरिएको थियो । उनको सिजर र निमोनियाका कारण मृत्यु भएको अस्पताल स्रोतले जानकारी दियो ।
ती युवक भारतबाट एक साता अघि मात्रै माडी आएका थिए । उनलाई माडी ५ को दिवाकर स्मृति विद्यालय रमाइलो डाँडाको क्वारेनटाइनमा राखिएको थियो ।
मृतक पुरुष सवारी दुर्घटनामा परेर उपचारका लागि भारत गएका थिए । उनलाई अस्तिदेखि ज्वरो आइरहेको थियो ।
उनको ढाड भाँचिएर प्यारालाइसिस भएको थियो । लगातार १०१ डिग्री भन्दा धेरै ज्वरो आएपछि माडी बाट भरतपुर अस्पताल ल्याइएको थियो ।
मकालु खबर २०७७ जेठ २४ गते
प्रतिक्रिया
सम्बन्धित
