आज चट्याङसहित वर्षाको सम्भावना, यस्तो छ दुई दिनको पूर्वानुमान

चैत २६, काठमाडौं । हाल देशमा स्थानीय र पश्चिमी वायुको आंशिक प्रभाव कायम रहेकाले मौसम बदली भइरहेको छ । 

जल तथा मौसम पूर्वानुमान महाशाखाका अनुसार पश्चिमी भु-भाग, पुर्वी र मध्य पहाडी भू-भागको एक-दुई स्थानमा मेघगर्जन र चट्याङसहित वर्षाको सम्भावना रहेको छ । 

यस्तो छ आगामी दुई दिनको मौसम पूर्वानुमान :- 

null

चैत्र  २६ गते (बुधबार) 

दिउँसोः देशको पश्चिमी भू-भाग  लगायत पूर्वी तथा मध्य पहाडी भू-भागमा  आँशिक देखि  सामान्य  बदली  रहि बाँकी भू-भागमा आंशिक बदली रहनेछ। पश्चिमी भु-भागका थोरै स्थानहरुका साथै पुर्वी र मध्य पहाडी भू-भागको एक-दुई स्थानमा मेघ-गर्जन/चट्याङ/हावाहुरी सहित वर्षाको सम्भावना रहेको छ। 

रातीः  देशको पुर्वी तथा मध्य भू-भाग  लगायत पश्चिमी पहाडी भू-भागमा  आँशिक देखि  सामान्य  बदली  रहि बाँकी भू-भागमा आंशिक बदली रहनेछ। पहाडी भू-भागका एक-दुई स्थानमा मेघ-गर्जन/चट्याङ सहित वर्षाको सम्भावना रहेको छ। 

चैत्र  २७ गते (बिहिबार) 

दिउँसोः देशको पूर्वी तथा मध्य पहाडी  भू-भागमा  आँशिक देखि  सामान्य  बदली  रहि बाँकी भू-भागमा आंशिक बदली रहनेछ। पूर्वी तथा मध्य पहाडी भु-भागका एक-दुई स्थानमा अपरान्ह पछि  मेघ-गर्जन/चट्याङ सहित क्षणिक वर्षाको सम्भावना रहेको छ। 

रातीः  देशको पश्चिमी भू-भागमा आँशिक बदली  रहि बाँकी भू-भागमा मौसम सामान्यतया सफा रहने छ।