बालुवाटारमा मन्त्रिपरिषद् बैठक जारी, लकडाउन थप्ने तयारी
मकालु खबर
Photo: Prime Minister’s Press Advisor
काठमाडौं । दिउँसो ४ बजे बोलाईएको मन्त्रिपरिषद बैठक बालुवाटारमा जारी छ । दिउँसो ४ बेजे बैठक बोलाइए पनि ४ः३० बजेदेखि मात्रै सुरु भएको हो ।
प्रधानमन्त्री निवास बालुवाटारमा बोलाइएको बैठकमा लकडाउन तथा देशको समग्र अवस्थाको बारेमा छलफल भइरहेकोले बैठक लम्बिएको बताइएको छ ।
बैठक साँझ सात बजेसम्म जारी रहेको प्रधानमन्त्रीका प्रेस सल्लाहकार सूर्य थापाले जानकारी दिएका छन् । थापाले फेसबुकमा भनेका छन् ‘सम्माननीय प्रधानमन्त्री केपी शर्मा ओलीज्यूको नेतृत्वमा मन्त्रिपरिषद्को ४ : ३५ बजे सुरु भएको बैठक जारी, बन्दाबन्दीको समग्र प्रभावका आयामको गम्भीर मूल्याङ्कन ।’
सरकारले कोरोना भाइरस संक्रमण नियन्त्रणका लागि घोषणा गरेको लकडाउन थप गर्ने तयारी गरेकोसमेत गरेको छ ।
स्रोतका अनुसार, चैत ११ गतेबाट सुरु भएको लकडाउन चैत २५ गतेसम्म थपेको सरकारले पुनः वैशाख ३ गतेसम्म लकडाउन गर्ने प्रस्ताव मन्त्रिपरिषद् बैठकमा स्वास्थ्य तथा जनसंख्या मन्त्रालयले दर्ता गरेको छ ।
यस्तै बैठकमा स्वास्थ्य सामग्री खरिद लगायतका विषयमा छलफल भएको जनाइएको छ ।
मकालु खबर
