कोरोना संक्रमित युवतीको उपचार बागलुङमै हुने

सांकेतिक तस्विर 

चैत १६, पोखरा । कोरोना भाइरस संक्रमित बागलुङकी १९ वर्षीया युवतीको उपचार धौलागिरी अस्पतालमा उपचार गरिने भएको छ ।  

बेल्जियमबाट नेपाल आएकी बागलुङ नगरपालिका–४ कुँडुलेकी १९ वर्षीय युवती चैत्र ४ मा नेपाल आएकी थिइन् । शनिबार उनीमा कोरोना संक्रमण भएको पुष्टि भएको हो ।  

उनको अवस्था अहिले सामान्य रहेको प्रदेश स्वास्थ निर्देशक विनोद विन्दु शर्माले जानकारी दिए । उनका अनुसार गृह र स्वास्थ्य मन्त्रालयले पनि बागलुङमै उपचार गर्न अनुमति दिइसकेको छ ।