अस्ट्रेलिया र दुबईको प्रलोभन देखाएर लाखौं रुपैयाँ ठगी गर्ने २ पक्राउ

फाेटाे स्राेतः गुगल 

फागुन २६, काठमाडौँ ।  अस्ट्रेलिया र दुबईको प्रलोभन देखाएर लाखौँ रुपैयाँ ठगी गर्ने दुई जना पक्राउ परेका छन् ।  

ठगीको आरोपमा धनुषाका २४ वर्षीय राजेश शाह र कपनका ललित तामाङलाई पक्राउ गरिएको हो ।   

उनीहरु बिरुद्ध पिडित पक्षले  प्रहरी समक्ष उजुरी दिएपछी पक्राउ गरिएको  काठमाडौं प्रहरीका डीएसपी होविन्द्र बोगटीले जानकारी दिए ।  डीएसपी  बोगटी अनुसार शाहलाई महानगरीय अपराध अनुसन्धान महाशाखा र तामाङलाई काठमाडौं प्रहरी परिसर, टेकुले पक्राउ गरेको हो । 

पक्राउ परेका शाहले  ३२ जना युवालाई दुबई लैजान्छु भनी प्रति व्यक्ति ८० हजार रुपैयाँ को दरले लिएका थिए भने  तामाङले अस्ट्रेलियाका लागि प्रतिव्यक्ति  ४० लाख रुपैयाँ लिएका प्रहरीले जनाएको छ ।   

प्रहरीका अनुसार नियन्त्रणमा लिएका शाह र तामाङमाथि मुलुकी अपराध संहिताको ठगीसम्बन्धी कसुरमा म्याद थप गरेर अनुसन्धान प्रक्रिया अघि बढाईने छ ।