कुहिएको अवस्थामा भेटियो आमाछोरीको शव, श्रीमान् फरार
मकालु खबर
२०७६ मंसिर २४ गते
मंसिर २४, काठमाडौ । वीरगञ्ज महानगरपालिका वडा नम्बर १२ लक्ष्मणवास्थित डेरामा बस्दै आएका आमाछोरी मृत अवस्थामा फेला परेका छन् ।
बाराको कलैया उपमहानगरपालिका वडा नम्बर २६ का शिशवा महेशपुर घर भएका पवन साहकी २२ वर्षीय श्रीमती र अढाई वर्षकी छोरी मृत अवस्थामा फेला परेका हुन् ।
वीरगञ्जस्थित लक्ष्मणवाका मोहन झाको घरमा डेरा लिइ बस्दै आएका उनीहरुको शव सोमबार साँझ डेराभित्रै कुहिएको अवस्थामा फेला परेको प्रहरीले जनाएको छ ।
घरभित्र दुर्गन्ध फेलिएपछि घरभेटी झाले प्रहरीलाई खबर गरेका थिए । घटनास्थलमा आएका प्रहरीले ढोका फोडेर हेर्दा कपडाभित्र बेरिएर राखिएको अवस्थामा शव भेटिएको हो ।
श्रीमान् पवन भने फरार छन् । घटनाबारे थप अनुसन्धान भइरहेको प्रहरीले जनाएको छ ।
मकालु खबर
२०७६ मंसिर २४ गते
प्रतिक्रिया
सम्बन्धित