ललितपुरमा घुससहित अधिकृत पक्राउ

पुस ९, काठमाडौँ । ललितपुरमा घुस रकमसहित एक  अधिकृतलाई पक्राउ गरिएकाे छ ।   

पक्राउ पर्नेमा  पशुसेवा विभाग हरिहरभवन ललितपुरका लेखा अधिकृत रमेश कार्की रहेको अख्तियार दुरुपयोग अनुसन्धान आयोगले जनाएको छ ।   

उनलाई सेवाग्रहीसँग घुस लिई रहेको अवस्थामा अख्तियारले  घुस रकम ८ हजार ५ सय रुपैयाँ सहित पक्राउ गरेको हो ।   

अख्तियारका प्रवक्ता प्रदीपकुमार कोइरालाका अनुसार पक्राउ परेका कार्कीले कार्यालयको सूचनालाई पत्रिकामा विज्ञापन प्रकाशित गरेबापतको भुक्तानी दिने रकमबाट सेवाग्राहीसँग उक्त रकम घुस लिई रहेको अवस्थामा पक्राउ गरिरएको हो ।   

पक्राउ परेका कार्कीमाथी कारवाहीको लागि अनुसन्धान भईरहेको अख्तियारले जनाएको छ ।