काठमाडौंको भङ्गालमा कामनाको नयाँ शाखा
मकालु खबर २०७६ मंसिर २९ गते
मंसिर २९, काठमाडौं । कामना सेवा विकास बैंक लिमिटेडले नयाँ शाखा विस्तार गरेको छ ।
बैंकले आज (आइतबार) काठमाडौंको बुढानिलकण्ठ नगरपालिका वडा नम्बर–८ स्थित भङ्गालमा नयाँ शाखा सञ्चालनमा ल्याएको हो । योसँगै बैंकको १०७ शाखा पुगेको छ ।
शाखाको उद्घाटन नगरपालिकाका प्रमुख उद्दव प्रसाद खरेल तथा बैंकका अध्यक्ष सुदिप आचार्यले संयुतm रुपमा गरे ।
कारोबार शुभारम्भ समारोहमा बैंकका संचालक विश्वेश्वर सुवेदी, नायब महाप्रबन्धक हरि प्रसाद लम्साल, कर्मचारी लगायत स्थानीयवासीहरुको उपस्थिति रहेको थियो ।
उक्त कार्यक्रममा बैंकका प्रमुख कार्यकारी अधिकृत प्रविण बस्नेतले बैंकका वर्तमान अवस्था र भावी कार्ययोजना तथा रणनीतिका बारेमा प्रकाश पारेका थिए ।
मकालु खबर २०७६ मंसिर २९ गते
प्रतिक्रिया
सम्बन्धित
