बाँकेमा बस दुर्घटना :१४ घाइते

मंसिर १, बाँके । सोमबार बिहान बाँकेको राप्ती सोनारी गाँउपालिका–१, कुसुममा ना५ख ६४४९ नम्बरको बस दुर्घटना दुर्घटना भएको छ ।  

दाङको तुल्सीपुरबाट नेपालगञ्जतर्फ आउँदै गरेको बस बिहान ९ बजे दुर्घटनामा हुँदा बसमा सवार १४ जना घाईते भएको प्रहरीले जनाएकाे छ ।   

दुर्घटनामा परी गम्भिर घाईते भएका  रुकुमको चौरजहारी नगरपालिका १३ का ५३ वर्षीय दलबहादुर मल्ल र दाङको दंगीशरण गाउँपालिका–६ की ७२ वर्षीया विष्णु कुमारी नेपालीको अवस्था भने चिन्ताजनक रहेको  प्रहरीले जनाएकाे छ ।   

प्रहरीका अनुसार चालकले बसलाई नियन्त्रण लिन नसक्दा सडकबाट अन्दाजी ५० मिटर तल खसेर दुर्घटना हुन पुगेकाे हाे । घटनाबारे अनुसन्धान भईरहेको र दुर्घटनामा परी घाइते भएका सबलाई उपचारको लागि नेपालगञ्ज मेडिकल कलेज, बाँके पठाईएको प्रहरीले जानकारी दिएका छन् ।