यस कारण गर्भावस्थामा ढाड धेरै दुख्छ, बच्ने उपाय सहित
मकालु खबर
मंसिर ९ । महिलाका लागि गर्भावस्था संवेदनशील समय हो । यो अवस्थामा अन्य सामान्य अवस्थामा भन्दा बढी स्वास्थ्य समस्याहरू आउन सक्छ । जसले गर्दा गर्भवतीको ज्यानै खतरामा पनि पर्न सक्छ ।
गर्भावस्थामा देखिने प्रमुख समस्या मध्ये ढाड दुख्ने पनि एक हो । गर्भावस्थामा किन ढाड बढी दुख्छ ? यसबाट जोगिन के गर्ने ? भन्ने विषयमा हाडजोर्नी रोग विशेषज्ञ डाक्टर गणेशबहादुर गुरुङको भनाइ यस्तो छ ।
करिब ५० प्रतिशत गर्भवतीमा ढाड दुख्ने समस्या हुने गरेको विभिन्न अध्ययन अनुसन्धानले देखाएको छ । कतिपय गर्भवतीलाई सामान्य रुपमा ढाड दुखाई हुन्छ भने कतिपयलाई धेरै पीडा हुने गरेको पाइन्छ ।
यसकारण गर्भावस्थामा धेरै ढाड दुख्छ
– क्याल्सियम, आइरनको कमी ।
– गर्भावतीको शारीरिक संरचनामा परिवर्तन आउनु ।
– गर्भवतीको तौल बढी हुनु ।
– पेटको आकार बढ्नु, पेटको गोलाईको तालमेल नमिल्दा यसको असर ढाडमा पर्छ र दुख्छ ।
– पोस्चर नमिल्नु ।
– धेरै समय सुत्नु ।
गर्भावस्थामा आमाको मात्र नभएर पेटमा रहेको बच्चाको समेत उत्तिकै ख्याल गर्नु पर्ने हुन्छ । सामान्यतया यस अवस्थामा देखिएका सामस्या बच्चा जन्मिएसँगै आफै हटेर जान्छ । केही महिलामा यो समस्या पछिसम्म पनि रहन पनि सक्छ ।
बच्ने उपाय
– चिकित्सकको सल्लाह बमोजिम आवश्यक क्याल्सियम र आइरन खाने ।
– पौष्टिक आहारयुक्त सन्तुलित खाना खाने ।
– पोस्चर मिलाएर बस्ने ।
– शरीरको एक खुट्टा वा कुनै एक अंगमा मात्र बढी भार पर्ने काम गर्नु हुर्दैन् ।
– निहुरिएर काम गर्दा घुँडा खुम्चाएर मात्र निहुरिने ।
– सुत्दा वा बस्दा बच्चालाई असर नगर्ने गरि बस्ने ।
– धेरै बेर उभिने, सुत्ने वा हिडडुल गर्नु हुँदैन ।
– शरीरलाई बढी बल पर्ने काम नगर्ने ।
– हल्का शारीरिक कसरत गर्ने ।
– दुखाई बढी भए स्वास्थ परीक्षण गराउने । एजेन्सी
मकालु खबर
