वडा कार्यालयमा आगजनी गरेको आरोपमा ५ जना पक्राउ
मकालु खबर २०७६ असोज २७ गते
असोज २७, हेटौँडा । प्रहरीले उत्तरी मकवानपुरको थाहा नगरपालिका–५ वडा कार्यालयमा सोमबार राति भएको आगजनीमा संलग्न रहेको आशंकामा ५ जनालाई नियन्त्रणमा लिएको छ ।
इलाका प्रहरी कार्यालय पालुङले सोमबार राति नगरपालिकाको आरनडाँडामा रहेकोे कार्यालयमा आगजनी गरेको आरोपमा ५ जनालाई नियन्त्रणमा लिएको हो ।
पक्राउ पर्नेको नाम सार्वजानिक गरिएको छैन ।
२६ गते राति कार्यालयको ढोका फुटाएर पेट्रोल तथा मट्टितेल छर्किएर आगो लगाएको प्रहरीले जनाएको छ ।
आगजनीबाट कार्यालयको कागजपत्र, विद्युतीय उपकरण तथा फर्निचर जलेर नष्ट भएको थियो ।
मकालु खबर २०७६ असोज २७ गते
प्रतिक्रिया
सम्बन्धित
