सौन्दर्य बढाउने केही उपायहरु
मकालु खबर
कार्तिक ३ । सधैँ सुन्दर र जवान देखिनका लागि पहिलो सर्त हो, स्वास्थ्य जीवन । शारीरिक रुपमा स्वास्थ्य र तन्दुरुस्त भइयो भने त्यसको प्रभाव अनुहार, छाला, केस सबैमा देखिन्छ । यसका लागि नियमित व्यायम, सन्तुलित खानपान जस्ता कुरालाई आत्मसात गर्नुपर्छ ।
यदि सधै सुन्दर, जवान र उर्जावान रहने हो भने योगलाई जीवनशैलीको एउटा हिस्सा बनाउनुपर्छ ।
सुन्दर रहने सुत्र
१. सन्तुलित र स्वास्थ्य खानपान, सरसफाई
२. नियमित योग, व्यायम
३. प्राकृतिक सौन्दर्य प्रसाधनको प्रयोग
४. सुन्दर देखिनका लागि मेकअपमा मात्र जोड दिनु हुदैन, जीवनशैलीमै परीवर्तन गर्नुपर्छ ।
५. पर्याप्त निदाउनु पर्छ, यसले केवल हर्मोन मात्र सन्तुलित रहदैन, प्रतिरोधात्मक क्षमता पनि वृद्धि हुन्छ ।
६. मेकअप र कसरत भन्दा सुन्दरताको लागि आत्माविश्वास आवश्यक हुन्छ ।
७. रिस, आवेग, क्रोधले सौन्दर्यमा ह्रास आउँछ । त्यसैले सधै खुसी देखिने अभ्यास गर्नुपर्छ ।
८. मह र चियाको पानीको मिश्रण वनाएर प्रयोग गर्दा पनि अनुहार चम्किलो देखिन्छ ।
९. चन्दन, गुलाबजल, पदिनाको रस मिलाएर अनुहारमा लगाएर १५ मिनेटसम्म राख्नुपर्छ, यसले दाग हटाएर चमक ल्याउँछ ।
१०. २ चम्चा सोयाविनको आटा, एक ठूलो चम्चा दही र मह मिसाएर प्याक बनाउने । यसलाई १५ मिनेट अनुहारमा लगाएर सफा गर्नुपर्छ ।
११. तेल लगाएर हातले केस रगड्नु हुदैन, यसले गर्दा केस कमजोर हुन सक्छ ।
१२. तेल लगाएको वेला केसको मसाज गर्नुपर्छ, जसले रक्त संचारमा हुन्छ ।
१३. टाउकोमा जति लामो समय तेल लगाइन्छ, उतिनै फाइदा हुन्छ । एजेन्सी
मकालु खबर
