टिपरमा गाँजा तस्कर, गाँजासहित एक जना पक्राउ
मकालु खबर
२०७६ असार १७ गते
असार १७, चितवन । चितवनको राप्ती नगरपालिकाबाट प्रहरीले करिव २ सय २० केजी गाँजा बरामद गरेको छ ।
टिपरमार्फत् तस्करी हुन लागेको अवस्थामा इलाका प्रहरी कार्यालय भण्डाराले राप्ती नगरपालिका ४ भवानीपुरबाट सो परिमाणको गाँजासहित एक जनालाई पक्राउ गरेको हो ।
null
ना४ख २२९५ नम्बरको टिपरमा राखेर लैजाने क्रममा विषेश सुचनाका आधारमा मंगलबार बिहान ३ बजेतिर गाँजा बरामद गरिएको हो ।
गाँजासँगै टिपर र चालक हेटौँडा उपमहानगरपालिका ७ का सौगात श्रेष्ठलाई नियन्त्रणमा लिइएको इलाका प्रहरी कार्यालय भण्डाराले जनाएको छ ।
प्रहरीका अनुसार राप्ती नगरपालिकाको पहाडी क्षेत्रमा उत्पादन भएको सो गाँजा हेटौँडा हुँदै पूर्वतर्फ लैजाने तयारीमा थियो ।
मकालु खबर
२०७६ असार १७ गते
प्रतिक्रिया
सम्बन्धित