प्रदेश ३ को मुख्य न्यायाधिवक्तामा ओमप्रसाद थपलिया सिफारिस

साउन १०, हेटौंडा । ओमप्रसाद थपलिया प्रदेश ३ को मुख्य न्यायाधिवक्तामा सिफारिस भएका छन् । 

यसअघि मुख्य न्यायाधिवक्ताको जिम्मेवारीमा रहेका सूर्यचन्द्र न्यौपानेले राजीनामा दिएपछि रिक्त भएको सो पदमा काठमाडौँ महानगरपालिका–१४ कलंकीका थपलिया सिफारिस भएका हुन् । 

null

२०४८ देखि ०४८ देखि अधिवक्ताको रुपमा वकालत पेशामा क्रियाशील भइ दुई वर्षअघि वरिष्ठ अधिवक्ता बनेका उनलाई मुख्यमन्त्री डोरमणि पौडेलले बुधबार सो पदमा नियुक्तिका लागि सिफारिस गरेका हुन् । 

मुख्य न्यायाधिवक्ताको नियुक्ति प्रदेशका मुख्यमन्त्रीको सिफारिसमा प्रदेश प्रमुखले गर्ने संवैधानिक व्यावस्था छ । 

तत्कालीन नेकपा एमालेको अनुशासन आयोगको सदस्य भएर काम गरेका थपलिया राजनीति शास्त्रमा एमए र कानूनमा एलएलएम हुन् ।