बुटवलकी निकिता खनालको ४ जीपीए, नेपाल टप गरेको दाबी !

काठमाडौं । एसइइ परीक्षामा बुटवलकी निकिता खनालले सबै विषयमा ए प्लस प्राप्त गरेकी छन् । बुटवल शंकरनगरको सिद्धार्थ इंलिस बोर्डिङ स्कूलबाट परीक्षा दिएकी उनले सबै विषयमा ए प्लस ल्याएर ४ जीपीए प्राप्त गरेकी हुन् । उनको सिम्बोल नम्बर ४८३४४४ रहेको छ ।  

कक्षा १ सम्म स्कलर्स होम बोर्डिङ स्कूलमा पढेकी उनले २ कक्षा देखि सिद्धार्थमा पढेकी हुन् । निकिता कक्षा १ देखि नै प्रथम र द्धितीय हुँदै आएकी थिइन् । उनले डाक्टर बन्ने लक्ष्य रहेको सुनाइन् । अब काठमाडौं गएर पढ्ने उनले बताइन् । 

 

null

घोकेर भन्दा बुझेर पढ्ने गरेको भन्दै उनले भनिन्–‘म रातभर कहिल्यै पढिन थोरै पढे तर, बुझेर पढें । ल्याउन त ४ जीपीए ल्याउछु भनेर पढेको थिए । शुरुमा नतिजा सुन्दा विश्वास लागेन पछि खुसी लाग्यो । मिहिनेत गरे सकिने रहेछ ।’ उनले भनिन्– ‘शुरुमा ठूलो बुवाले नतिजा सुनाउनुभयो । पछि बुवाले फोन गरेर बधाइ दिनुभयो ।’  

बुवा मनिराम खनाल वन विभाग अन्तर्गत प्युठानमा अधिकृत छन् । आमा तुलसा खनाल गृहणी हुन् । सिद्धार्थ इंलिस बोर्डिङ स्कूलका प्रिन्सिपल यमबहादुर रानाले निकिताको नतिजाले विद्यालय परिवारलाई नै हर्षित बनाएको बताए । 

‘निकिता आफै ४ जीपीए ल्याउनेमा ढुक्क देखिन्थिन् । हामीलाई पनि आशा थियो ।’ प्रिन्सिपल रानाले भने–‘कुल ४ जिपिए मा ४ नै हासिल गरेकाले टप भएकोमा दाबी त रहने नै भयो ।’ यस विषयमा आफूहरुले थप बुझिरहेको उनको भनाइ थियो । 

सिद्धार्थ स्कूलबाट यसवर्ष १३६ जनाले एसइइ परीक्षा दिएका थिए । जसमा २१ जनाले ३.६ देखि ४.० जीपीए, ५२ जनाले ३.२ देखि ३.६ जीपीए, ४५ जनाले २.८ देखि ३.२ जीपीए र ८ जनाले २.४ देखि २.८ जीपीए ल्याएका प्रिन्सिपल रानाले जानकारी दिए । 

 

  

प्रतिक्रिया

Leave a Reply

Your email address will not be published. Required fields are marked *