अर्थमन्त्री खतिवडा फिजी प्रस्थान
मकालु खबर
फाइल तस्विर
बैशाख १७, काठमाडौं । अर्थमन्त्री डा. युवराज खतिवडा मंगलबार फिजी प्रस्थान गरेका छन् ।
null
एसियाली विकास बैंकको बोर्ड अफ गभर्नर्सको ५२ औँ वार्षिक बैठकमा भाग लिन अर्थमन्त्री खतिवडा आज फिजीतर्फ प्रस्थान गरेका हुन् ।
आगामी मे ०२–०५ सम्म फिजीको नादीमा आयोजना हुने बैठकमा मन्त्री खतिवडाले नेपालको गभर्नरको रुपमा वार्षिक बैठकका विषयसूचीमा धारणा राख्ने उनको नीजि सचिवालयले जनाएको छ ।
कार्यक्रममा अर्थमन्त्री खतिवडाले एसियाली विकास बैंकका अध्यक्ष तथा दक्षिण एसियाका महानिर्देशक, युरोपियन लगानी बैंक, ओफिडलगायतका वित्तीय संस्थाहरुका उच्चपदस्थ प्रतिनिधिहरुसँग महत्वपूर्ण छलफल तथा भेटघाट पनि गर्नेछन् ।
बैठकमा सहभागी हुन अर्थमन्त्रीसहित अन्तर्राष्ट्रिय आर्थिक सहायता समन्वय महाशाखा प्रमुख पनि फिजी प्रस्थान गरेको अर्थमन्त्रीको सचिवालयले जानकारी दिएको छ ।
अर्थमन्त्री खतिवडा २१ गते साँझ स्वदेश फर्किने कार्यक्रम छ।
मकालु खबर
