खराब मौसमका कारण बुढासुब्बा रेडवुल गोल्डकप भोली सर्यो
मकालु खबर
२०७५ माघ २६ गते
माघ २६, धरान । धरानमा आजबारी सुरु हुने २१ औं अन्तराष्ट्रिय आमन्त्रण बुढासुब्बा रेडवुल गोल्ड कप फुटवल प्रतियोगिता खराब मौसमका कारण स्थगित भएको छ ।
आयोजक धरान फुटवल क्लबले प्रतिकूल मौसमका कारण आजको उद्घाटन खेल भोली सारिएको जनाएको छ । धरान फुटवल क्लबका अध्यक्ष किशोर राईले सबै तयारी पुरा भएपनि वर्षाका कारण आजको उद्घाटन कार्यक्रम र खेल भोली सारिएको बताए ।
null
‘आज उद्घाटन गर्ने तयारी थियो, हिजो देखि परेको भारी वर्षाले धरान रंगशालामा पानी जमेको कारण खेल सञ्चालन गर्न सकिने अवस्था भएन । अब आजको उद्घाटन भोली हुन्छ ।’ उनले भने ।
प्रतियोगिताको उद्घाटन भोली राष्ट्रिय खेलकुद परिषदका सदस्य सचिव केशवकुमार विष्टले गर्ने कार्यक्रम तय गरिएको छ । उद्घाटन खेल संकटा क्लब काठमाडौं र मेची नेत्रालय केएफटिसि, झापाबीच हुने तालिका छ ।
मकालु खबर
२०७५ माघ २६ गते
प्रतिक्रिया
सम्बन्धित