स्वयम्भूमा फुटपाथ हटाउन गएका नगर प्रहरीमाथि हातपात !
मकालु खबर २०७४ जेठ १५ गते
“
काठमाडौँ, भदौ ३१ । फुटपाथ हटाउनका लागि खटिएका नगर प्रहरीमाथि कुटपिट भएको छ । स्वयम्भूको हलचोकमा फुटफाथ हटाउने क्रममा झडप हुँदा नगरप्रहरीमाथि कुटपिट भएको हो ।
महानगर प्रहरी निरीक्षक पूर्णचन्द्र भट्टको कमाण्डमा स्वयम्भू हलचोकमा रहेको फुटपाथ हटाउने क्रममा झडप हुँदा प्रहरी कुटिएका हुन् ।
करिब एक सय ५० जनाको समूहले फुटपाथ हटाउन गएका नगर प्रहरीमाथि हातपात गरेको महानगरीय प्रहरीले जनाएको छ ।
उक्त समूहको आक्रमणबाट नगर प्रहरीका हवल्दार इन्दिरा कार्की, प्रयास घिमिरे घाइते भएका छन् भने घटनामा संलग्न भएको आरोपमा तीन जना पक्राउ परेका छन् । सिजन बजगाईं, राजु श्रेष्ठ र उद्धवप्रसाद बाँस्तोलालाई प्रहरीले नियन्त्रणमा लिएको हो ।
घटनाबारे थप अनुसन्धान भइरहेको महानगरीय प्रहरीले जनाएको छ ।
“
मकालु खबर २०७४ जेठ १५ गते
प्रतिक्रिया
सम्बन्धित
