लाग्यो आठ विश्वविद्यालयका प्रस्तावित उपकुलपतिको टुंगो

काठमाडौं । आठ वटा विश्वविद्यालयका उपकुलपतिको नाम टुंगो लागेको छ । शिक्षामन्त्री सस्मित पोखरेलको संयोजकत्वमा सिफारिस समिति गठन गरिएको थियो ।

उक्त समितिले आठ विश्वविद्यालयका उपकुलपतिका लािग तीन-तीन जनाको नाम टुंगो लगाएको शिक्षा मन्त्रालय स्रोतले बताएको छ ।

स्रोतका अनुसार त्रिभुवन विश्वविद्यालय, पोखरा विश्वविद्यालय, पूर्वाञ्चल विश्वविद्यालय, लुम्बिनी बौद्ध विश्वविद्यालय, कृषि तथा वन विज्ञान विश्वविद्यालय, मध्यपश्चिम विश्वविद्यालय, सुदूरपश्चिम विश्वविद्यालय र राजर्षि जनक विश्वविद्यालयको उपकुलपतिको लागि तीन तीन जनाको नाम टुंगो लगाएको हो ।

उक्त नाम सम्वत् भोलि शिक्षा मन्त्री पोखरेलले प्रधानमन्त्री एवं कुलपति बालेन्द्र शाहलाई नाम सिफारिस गर्ने तयारी छ ।

नयाँ उपकुलपतिको लागि गत २५ वैशाखमा १० दिनको समय दिएर खुला आह्वान गरिएको थियो । जसमा त्रिभुवन विश्वविद्यालयको उपकुलपतिको लागि ५०, पूर्वाञ्चल विश्वविद्यालय ३८, पोखरा विश्वविद्यालय ३८, सुदूरपश्चिम विश्वविद्यालय १९, मध्यपश्चिम विश्वविद्यालय २०, लुम्बिनी बौद्ध विश्वविद्यालय ११, कृषि तथा वन विज्ञान विश्वविद्यालय १५ र राजर्षि जनक विश्वविद्यालयको लागि २७ गरी २१८ जनाको आवेदन परेको थियो ।

ती मध्येबाट विज्ञले दिएको नम्बरको आधारमा सर्टलिस्ट गरिएकोमा अन्तर्वार्ता र प्रस्तुतिकरण गरेर छनोट समितिले नाम टुंगो लगाएको दाबी गरिएको छ ।