प्रधानमन्त्री बालेनको प्रेस सहजकर्तामा सुरेन्द्र बजगाईं नियुक्त

काठमाडौं । प्रधानमन्त्री बालेन्द्र शाह (बालेन)को प्रेस सहजकर्तामा सुरेन्द्र बजगाईं नियुक्त भएका छन् ।

स्रोतका अनुसार बजगाईं स्वकीय शाखा अधिकृत सरहको सेवासुविधा लिनेगरी उक्त जिम्मेवारीमा नियुक्त भएका हुन् ।

बजगाईं यसअघि काठमाडौं महानगरपालिकाको मेयर हुँदा पनि बालेन शाहका प्रेस संयोजकका रूपमा कार्यरत थिए । ललितपुर स्थायी घर भएका उनी पत्रकारितामा सक्रिय रहँदै आएका थिए ।

मेयर शाहको सचिवालयमा रहेर काम गरेका बजगाईं पछिल्लो निर्वाचनमा समेत सक्रिय भूमिका निभाएका थिए ।