मकालु खबर
काठमाडौँ । आफ्नै श्रीमती ४६ वर्षीया रीता राईको हत्या गरेको अभियोगमा हरिहरपुरगढी गाउँपालिका–३ रानीपानीका ४५ वर्षीय जिते भन्ने वीरबहादुर राईलाई प्रहरीले पक्राउ गरेको छ ।
केन्द्रीय प्रहरी समाचारकक्षका अनुसार अभियुक्तले आइतबार अपराह्न श्रीमतीमाथि बन्चरो प्रहार गर्दा उनको घटनास्थलमै मृत्यु भएको थियो ।
घटनाको खबर प्राप्त हुनासाथ खटिएको प्रहरी टोलीले अभियुक्तलाई नियन्त्रणमा लिएको जनाएको छ। घटनाबारे थप अनुसन्धान भइरहेको प्रहरीले जनाएको छ ।
