जितपछि दीपेन्द्र सम्मिलित मोन्टरियल शीर्ष स्थानमा उक्लियो

काठमाडौँ । क्यानाडामा जारी ग्लोबल टी-२० अन्तर्गत मोन्टरियल टाइगर्सले चौथो जित हासिल गरेको छ । गएराती सम्पन्न खेलमा मोन्टरियलले टोरन्टो नेशनल्सलाई २३ रनले पराजित गरेको हो ।

वर्षाले प्रभावित भएपछि खेल ६-६ ओभरमा खेलाइएको थियो । मोन्टरियलले दिएको ७८ रनको लक्ष्य पछाएको टोरन्टोले ६ ओभरमा २ विकेट गुमाउँदै ५४ रन मात्र बनाएपछि खेल २३ रनले हारेको हो ।

यस अघि पहिला ब्याटिङ गर्दै मोन्टरियलले ६ ओभरमा २ विकेट गुमाउँदै ७७ रन बनाएको थियो । नेपाली अलराउण्ड दिपेन्द्र सिंह ऐरी खेलिरहेको मोन्टरियलको यो जितपछि ६ खेलमा ९ अंक भएको छ र अंक तालिकामा शीर्ष स्थानमा उक्लिएको छ । त्यस्तै टोरन्टोको ६ खेलमा ५ अंक छ र अंक तालिकामा चौथो स्थानमा रहेको छ ।