एसीसी प्रिमियर कपको सेमिफाइनलमा नेपाल र कुवेत भिड्ने

नेपालले एसीसी प्रिमियर कपको सेमिफाइनलमा कुवेतसँग खेल्ने भएको छ । कुवेत समूह बी को निर्णायक खेलमा हङकङलाई पराजित गरि उपविजेता बन्दै सेमिफाइनलमा पुगेको हो।

समूह ए को विजेता नेपाल र बी को उपविजेता कुवेत भिड्ने छन्।

बिहिबार भएको समूह चरणको अन्तिम तथा निर्णायक खेलमा हङकङलाई ३० रनले हराएपछि कुवेतले नेपालसँगको भेट पक्का गरेको हो।

अर्को सेमिफाइनलमा समूह ए को उपविजेता ओमान र समूह बी को विजेता युएई भिड्ने छन्।

दुबै सेमिफाइनल खेल शनिबार हुनेछ। एउटा खेल किर्तिपुरमा र अर्को मुलपानीमा एकसाथ सुरुहुनेछन्।