ओली जस्ता गफाडीलाई सत्ता दिने होइन, बयलगाढा नै चढुन् : नेपाल

काठमाडौँ । नेकपा एकीकृत समाजवादी पार्टीका अध्यक्ष माधवकुमार नेपालले केपी शर्मा ओलीलाई गफाडी भएको आरोप लगाएका छन् । काठमाडौँको निर्वाचन क्षेत्र नम्बर २ स्थिति जडिबुटीमा सत्ता गठबन्धन दलले आयोजना गरेको चुनावी सभामा भाषण गर्दै अध्यक्ष नेपालले यस्तो आरोप लगाएका हुन् । उनले ओलीलाई सत्तामा पुर्याउनु नहुने बताएका छन् ।

‘राजावादी र प्रतिगामीसँग गठबन्धन गर्नेलाई जनताले दण्डित गर्नैपर्छ,’ उनले भने, ‘निजी स्वार्थका लागि मात्रै गठबन्धन गरेका हुन्। देशलाई डुबाउन यो गठबन्धन गरेका हुन् । त्यसैले यो निर्वाचनमा दण्डित गर्नैपर्छ।’

उनले गणतन्त्रको आन्दोलका क्रममा ओलीले बरु बयलगाडा चढेर अमेरिका पुगिने बताएको पनि बताए ।

‘पहिले पनि गणतन्त्रको आन्दोलन हुँदा ओली बयलगाडाको कुरा गर्थे,’ उनले भने, ‘अहिले केपी ओली बयलगाडा चढेर हिँडे हुन्छ, उनले भने, ‘देश निर्माणको कुनै योजना छैन। एमालेमा व्यक्ति पूजा मात्रै छ।’