इन्टरले रोमासँग बराबरी खेल्यो
मकालु खबर
२०७७ पुस २७ गते
एजेन्सी । इटालियन सिरी ‘ए’ फुटबलमा इन्टर मिलान बराबरीमा रोकिएको छ । आइतबार राति भएको खेलमा इन्टर रोमासँग २–२ गोलको बराबरीमा रोकिएको हो ।
रोमाको मैदानमा सुरुवाती अग्रता भने घरेलु टोलीले बनाएको थियो । लोरेन्जो पेल्लिग्रिनीले १७औं मिनेटमा गोल गर्दै रोमालाई अग्रता दिलाएका थिए ।
खेलको ५६औं मिनेटमा मिलानले गोल गर्दै इन्टरलाई १–१ गोलको बराबरीमा फर्काए । खेलको ६३औं मिनेटमा हाकिमी आच्रफले गोल गर्दै इन्टरलाई २–१ को अग्रता दिलाए ।
तर, खेलको ८६औं मिनेटमा रोमाका जियानलुका मानसिनिले गोल गरेपछि खेल २–२ गोलको बराबरी सकिएको थियो । बराबरीसँगै इन्टरले १७औं खेलमा ३७ अंक जोडेको छ ।
इन्टर तालिकाको दोस्रो स्थानमा रहेको छ । रोमा ३४ अंक जोडेर तेस्रो स्थानमा रहेको छ ।
मकालु खबर
२०७७ पुस २७ गते
प्रतिक्रिया
सम्बन्धित