पछिल्लो कोरोना अपडेट : थप १,९४६ जनामा संक्रमण, २,५०३ जना मुक्त

कठमाडौं । पछिल्लो २४ घण्टामा देशभर थप १ हजार ९ सय ४६ जनामा कोरोना संक्रमण पुष्टि भएको छ ।

यससँगै हालसम्म मुलुकमा २,०८,२९९ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार आज २ हजार ५ सय ०३ जना कोरोना संक्रमित निको भएका छन् । यससँगै हालसम्म १,७०,६३२ जना संक्रमित निको भएको मन्त्रालयले जनाएको छ ।

हाल १,०५७ जना क्वारेन्टिनमा रहेका छन् भने ३६,४५२ जना सक्रिय संक्रमित आइसोलेसनमा रहेका छन् ।