प्रदेश १ मा थप ११ जनामा कोरोना संक्रमण पुष्टि
मकालु खबर
विराटनगर । प्रदेश नम्बर १ मा थप ११ जना कोरोना संक्रमण पुष्टि भएकाे छ । बिहीवार ४ जना महिला र ७ जना पुरुष गरी ११ जनामा संक्रमण पुष्टि भएको प्रदेश १ को सामाजिक विकास मन्त्रालयले जनाएको छ ।
मन्त्रालयका अनुसार विराटनगर र धरानका प्रयोगशालामा गरिएको परीक्षणमा १० जना र टेकुमा गरिएको परीक्षणमा १ जनामा कोरोना रिपोर्ट पोजेटिभ आएको हो ।
आज (बिहीवार) मोरङमा ६, सुनसरीमा ३, खोटाङ र झापामा १/१ जनामा संक्रमण देखिएको छ ।
मोरङको उर्लाबारीमा ४ महिला र २ पुरुष, सुनसरीको इटहरीमा ३ पुरुष, खोटाङको दिक्तेल र झापाको शिवसतासीमा १ पुरुषमा संक्रमण देखिएको हो ।
प्रदेश १ मा कूल कोरोना संक्रमितको संख्या ६ सय १५ जना पुगेका छन् भने ४ सय जनाले कोरोना जितेर घर फर्किसकेका छन् ।
आज संक्रमण पुष्टि भएकाको स्वास्थ्य अवस्था सामान्य रहेको र उनीहरुको व्यवस्थापनको काम भईरहेको सामाजिक विकास मन्त्रालयले जनाएको छ ।
मकालु खबर
