आज खण्डग्रास सूर्यग्रहण लाग्दै, कसरी हेर्ने सूर्यग्रहण ?

पुस १०, काठमाडौं । आज खण्डग्रास सूर्यग्रहण लाग्दैछ । नेपाली समय अनुसार सूर्यग्रहण काठमाडौंमा विहान ८:४३ मा सुरु भई ११:३३ मा सकिनेछ ।   

भने, सुदूरपश्चिमको महेन्द्रनगरमा ८:३८ मा सुरु भई ११:१९ मा सकिनेछ भने पूर्वको झापामा भने ८:४८ मा सुरु भई ११ः २७ मा सकिनेछ । भने १०ः०१ मा मध्य हुने सूर्यग्रहण र ११ः३१ मा मोक्ष हुनेछ । 

यस आधारमा सूर्यग्रहणको अवधि २ घण्टा ४९ मिनेटको रहनेछ ।ज्योतिषीहरुका अनुसार यो सूर्यग्रहण पश्चिम र दक्षिणको बीच तर्फबाट स्पर्श भई पूर्व र दक्षिण को बीचमा मोक्ष हुनेछ । 

सूर्यग्रहण नेपाल, भारत, श्रीलंक लगायत एसियाका सबै तथा हिन्दमहासागर, मलेशिया, पूर्वी युरोप, उत्तररपश्चिम अस्ट्रेलिया, पूर्वी अफ्रिकालगायत विश्वका अधिकांश ठाउँबाट देख्न सकिने जानकारहरुले बताएका छन् । 

सूर्य ग्रहणको फल राशीअनुसार निम्नबमोजीम रहने बताइएको छ । 

मेष– मानहानी 

वृष– कष्ट 

मिथुन– स्त्रीपीडा 

कर्कट– सुख 

सिंह– चिन्ता 

कन्या– व्यथा 

तुला– श्रीप्राप्ति 

बृश्चिक– क्षति 

धनु– घात 

मकर– खर्च 

कुम्भ– लाभ 

मीन– सुखदायी  

सूर्य ग्रहणलाई कसरी हेर्ने ? 

सूर्य ग्रहणलाई खाली आँखा, बाइनाकुलर वा टेलिस्कोपको प्रयोग गरेर कदापि पनि अवलोकन गर्नु हुँदैन । यसो गरेमा आँखा सदाका लागि बिग्रिने सम्भावना रहन्छ । साथै एक्स-रे प्लेट, ध्वाँसो लगाएको ऐना तथा पानीमा समेत सूर्यको प्रतिबिम्बलाई अवलोकन गर्नु हुँदैन । 

हिमाल आरोहणमा प्रयोग गरिने विशेष प्रकारको गाढा रङ्गको धातु लेपन भएको चश्माबाट मात्र यसको अवलोकन गर्न सकिन्छ, साधारण चश्माबाट यसको अवलोकन गर्नु हुादैन । 

सूर्य ग्रहणको समयमा मानवमा पर्ने प्रभावबारे भने हालसम्म कुनै पनि वैज्ञानिक आधारहरू प्राप्त हुन नसकेको खगोलविदहरु बताउँछन् ।