कीर्तिपुरमा नरेन्द्रको नयाँ हल बन्दै

काठमाडौँ । चलचित्र वितरक तथा हल सञ्चालक नरेन्द्र महर्जनले कीर्तिपुरमा नयाँ हल सञ्चालनमा ल्याउने तयारी गरेका छन् । पहिलो चरणको लकडाउन सकिएसँगै हाल निर्माण कार्य भइरहेको हलको  निर्माण सुरु भएको थियो ।

कीर्तिपुरमा पहिले रहेको हललाई नै पुनःनिर्माण गरी अत्यधुनिक तवरले सञ्चालनमा लाउने तयारी गरिएको हो ।

२८० सिट क्षमताको हल वैशाखबाट नै सञ्चालनमा ल्याउने तयारी भएता पनि कोरोनाको दोस्रो लहरका कारण केही समयपछि सरेको छ । दुई पर्दासहितको हल २ करोडभन्दा बढी लगानीमा बनेको निर्माता बताउँछन् ।