युनाईटेडमा भित्रिए १८ वर्षीय विंगर
मकालु खबर
२०७७ पुस २४ गते
एजेन्सी । इंग्लिस क्लब म्यानचेस्टर युनाईटेडले युवा विंगर अमद डियालोलाई अनुबन्धित गरेको छ । युनाईटेडले इटालियन क्लब एटलान्टाबाट १८ वर्षीय विंगर डियालोलाई अनुबन्ध गरेको हो ।
आइभरी कोस्टका विंगरसँग युनाईटेडले साढे चार वर्षको सम्झौता गरेको छ । सम्झौतासँगै डियालो सन् २०२५ को जुनसम्म युनाईटेडमा रहने छन् ।
यस्तै डियालोलाई युनाईटेडले थप एक वर्ष सम्झौता थपको विकल्प समेत दिएको छ । डियालोले एटलान्टाको सिनियर टिमबाट ५ खेल खेलिसकेका छन् । उनले एक गोल समेत गरेका छन् ।
गत वर्ष सिनियर टिममा डेब्यु गरेका उनी उमेर समूहको टिमका मुख्य खेलाडी हुन् ।
मकालु खबर
२०७७ पुस २४ गते
प्रतिक्रिया
सम्बन्धित