ट्यांकरको ठक्करबाट मोटरसाइकल चालकको मृत्यु

चितवन । चितवनको खैरहनीमा ट्यांकरको ठक्करबाट बुधबार एक जनाको मृत्यु भएको छ ।

पूर्वबाट आउँदै गरेको लु १ ख ६५८१ नम्बरको ट्यांकरले ना ४१ प ९८६२ नम्बरको मोटरसाइकललाई बिहान ६:३० बजे तिर ठक्कर दिँदा भएकाे दुर्घटनामा माेटरसाइकल चालककाे मृत्यु भएकाे हाे ।

मृत्यु हुनेमा खैरहनी ६ बस्ने २२ वर्षीय अब्जल देवान रहेकाे ईलाका प्रहरी कार्यालय खैरहनीका प्रहरी निरीक्षक ऋषिराम घर्ती मगरले जानकारी दिए । दुर्घटनामा गम्भीर घाइते भएका देवानको उपचारका क्रममा भरतपुरमा मृत्यु भएको उनले बताए ।

उनका अनुसार दुबै सवारी साधन र ट्यांकर चालक नियन्त्रणमा लिइएकाे छ ।