‘आजको सचिवालय बैठकमा प्रधानमन्त्री सहभागी हुनुहुन्छ’
मकालु खबर २०७७ मंसिर १७ गते
|सुवासचन्द नेम्वाङ्ग। फाइल फोटो|
काठमाडौं । नेकपा संसदीय दलका उपनेता सुवासचन्द नेम्वाङ्गले आजको सचिवालय बैठकमा प्रधानमन्त्री केपी शर्मा ओली पनि सहभागी हुने बताएका छन् ।
मकालु खबरको जिज्ञासामा नेता नेम्वाङ्गले प्रधानमन्त्रीले कहिल्यै ‘म बैठकमा सहभागी हुन्न’भनेर नभनेकोसमेत बताएका छन् ।
‘प्रधानमन्त्री आजको बैठकमा सहभागी हुनुहुन्छ । यो सहभागी हुनुहुन्न भनेर चाहिँ कहाँबाट बाहिर आयो ? उहाँ त सधैं नै सहभागी हुँदै नै आउनुभएको छ ।’ नेता नेम्वाङ्गले भनेका छन् ।
यसअघि हिजो बसेको नेकपा सचिवालय बैठकमा ओलीले बुधबारको बैठकमा सहभागी नहुनेलगायतका ४ अडानहरु राखेका थिए ।
त्यसपछि आजको बैठकमा ओली सहभागी हुने कि नहुने भनेर चासाको रुपमा हेरिएको थियो ।
यद्यपि पनि १ बजेबाट २ बजेका लागि सारिएको बैठक अझैसम्म शुरु भइसकेको छैन ।
मकालु खबर २०७७ मंसिर १७ गते
प्रतिक्रिया
सम्बन्धित
