मकालु खबर
ताजा, शुलभ, निष्पक्ष

एनआईसी एशिया बैंकको फोटो प्रतियोगिता : उत्कृष्ट फोटोलाई १० हजार पुरस्कार

एनआईसी एशिया बैंकको ‘फोटो–पात्रो २०७८’ प्रतियोगितामा उत्कृष्ट फोटो पठाई नगद पुरस्कार जित्नुहोस्

काठमाडौं । एनआईसी एशिया बैंकले ‘फोटो–पात्रो २०७८’ नामक फोटो प्रतियोगिता सार्वजनिक गरेको छ । बैंकले फोटो खिच्ने कौशलको कदरस्वरूप २०७८ को क्यालेण्डरमा कैद गरेका फोटोलाई स्थान दिने योजनाअनुरुप यस प्रतियोगिताको आयोजना गरेको हो । यसरी प्राप्त हुने फोटोलाई क्यालेण्डरमा राख्ने मात्र नभइ बैंकले उचित नगद पुरस्कारको व्यवस्था समेत गरेको छ ।

यस प्रतियोगितामा सहभागी हुन इच्छुकले सिजन, होप र पोजिटिभिटी, लाइफस्टाइल र फ्राइन्डसिप विधाहरूमा आफूले खिचेका एक वा एकभन्दा बढी फोटो पठाउन सक्नेछन् । यस्तै ५० शब्द नबढाई आफ्नो फोटोको क्याप्सन लेखी https://www.nicasiabank.com/photo-patro लिंकमा अपलोड गर्नुपर्नेछ ।

प्रतियोगिताबाट प्राप्त उत्कृष्ट १२ फोटोहरू बैंकले आफ्नो नयाँ वर्ष २०७८ को क्यालेण्डरमा प्रकाशित गर्नेछ । उक्त फोटोहरूका लागि बैंकले प्रतिफोटो रू. १०,००० नगद रकम पुरस्कार प्रदान गर्नेछ । यस प्रतियोगिताबाट उत्कृष्ट १२ मा सामेल हुन नसकेका अन्य आकर्षक फोटोहरूलाई बैंकले सम्मानस्वरूप आफ्नो सामाजिक सञ्जालका माध्यमहरू एवं विभिन्न प्रवर्द्धनात्मक प्रयोजनमा फोटो खिच्नेको नाम र क्याप्सनका साथ प्रकाशित गर्ने व्यवस्था गरेको छ ।

प्रतियोगितामा पठाउनुपर्ने फोटो कम्तीमा ५४००*८३६०० पिक्सल, साइज (इन्च) १८८१२, रिजोलुसन ३०० डीपीआई र ल्याण्डस्केप हुनु पर्नेछ । साथै यस प्रतियोगिता सम्बन्धी विस्तृत जानकारी बैंकको वेबसाइट तथा सामाजिक सञ्जालहरूमार्फत प्राप्त गर्न सकिने बैंकले जनाएको छ ।

 

प्रतिकृयाहरु
Loading...