रवि लामिछानेको मुद्दा न्यायाधीश फुयालको इजलासमा
मकालु खबर
काठमाडौं । रास्वपाका सभापति रवि लामिछानेले दर्ता गरेको रिट निवेदन न्यायाधीश हरिप्रसाद फुयालको एकल इजलासमा परेको छ ।
सभापति लामिछानेले हिजो सर्वोच्च अदालतमा बन्दी प्रत्यक्षीकरणको रिट निवेदन दर्ता गरेका थिए । लामिछानेको रिटको सुनुवाइ दोस्रो नम्बरमा राखिएको छ ।
सहकारी ठगीको अभियोगमा पुर्पक्षका लागि थुनामा लामिछानेलाई रिहा गर्न माग गर्दै आइतबार लामिछानेको तर्फबाट निकिता पौडेलले रिट निवेदन दर्ता गरेकी थिइन् ।
बुटवलको सुप्रिम बचत तथा ऋण सहकारी संस्था ठगी प्रकरणमा उच्च अदालत तुलसीपुरको बुटवल इजलासले लामिछानेलाई चैत २२ गते पुर्पक्षका लागि थुनामा पठाउन आदेश गरेको थियो ।
यसअघि रविले आफूलाई थुनामा पठाउने उच्च अदालतको आदेशविरुद्ध सर्वोच्च अदालतमा निवेदन दर्ता गराएका थिए ।
उक्त निवेदनमा सर्वोच्चले उच्च अदालत र जिल्ला अदालतबाट कैफियत प्रतिवेदन मगाउने आदेश गरेको थियो ।
मकालु खबर
