बढुवा भएका ८ एसपीलाई दर्ज्यानी चिन्ह प्रदान

प्रहरीमा जनपद समूहतर्फ डीएसपीबाट एसपीमा बढुवा भएका ८ जनालाई दर्ज्यानी चिन्ह प्रदान गरिएको छ ।

प्रहरी महानिरीक्षक वसन्त कुँवर र अतिरिक्त महानिरीक्षक टेक प्रसाद राईले नवनियुक्त एसपीहरूलाई दर्ज्यानी चिन्ह लगाइदिएका हुन् ।

बढुवा हुनेमा निरन्जन दत्त भट्ट,  विनोद घिमिरे, ढकेन्द्र खतिवडा, अंगुर जिसी, यादव ढकाल, श्याम बाबु ओलिया र सन्तोष तामाङ्ग र राजन लिम्बु छन् ।

बढुवा समितिले चैत १४ मा गरेको सिफारिस अनुसार उपप्रधान एवं गृहमन्त्री रवि लामिछानेले उनीहरूलाई बढुवा, नियुक्ति गर्ने निर्णय गरेका हुन् ।

आईजीपी वसन्त कुँवर नेतृत्वको बढुवा समितिले निकालेको बढुवा सिफारिस सूचीमा प्रतिस्पर्धाको १ नम्बरमा रहेका डीएसपी प्रदीप बहादुर क्षेत्री छुटेका छन् ।

६ नम्बर वरियतामा रहेका नारायण रंजिनकार पनि बढुवाको सुचीमा परेनन् । त्यसबारे सर्वत्र आलोचना भएको छ ।