इलाम– २ मा रास्वपाकाे उम्मेदवार बन्न प्राइमरी इलेक्सनमा ६ जना

इलाम– २ मा हुने उपनिर्वाचनमा राष्ट्रिय स्वतन्त्र पार्टी (रास्वपा) मा उम्मेदवार बन्न प्राइमरी इलेक्सनमा ६ जनाको उम्मेदवारी परेको छ । पार्टीले आन्तरिक रूपमा गर्ने प्राइमरी इलेक्सनका लागि केही हप्ता अघि मात्रै माओवादी छाडेका मिलन लिम्बुसहित ६ जनाको नाम सार्वजनिक गरेको छ।

प्राइमरी इलेक्सनका लागि ५ पुरुष र एक महिलाले उम्मेदवारी दिएको रास्वपाको केन्द्रीय निर्वाचन आयोगका सचिव भूमिनन्द बरालले बताए। जसमा गोकुलबहादुर राई, जमुना शर्मा, महेन्द्रकुमार थापा, मानबहादुर घिमिरे, मिलन लिम्बू र डा। शेषरमण न्यौपाने रहेका छन्।

प्रारम्भिक उम्मेदवारी उपरको दाबी विरोध गर्ने समय चैत १४ देखि १५ गते दिउँसो १ बजेसम्मलाई निर्धारण गरिएको रास्वपाले जनाएको छ।