इजरायली राष्ट्रपति बहराइन प्रस्थान

जेरूसेलम । इजरायलका राष्ट्रपति आइज्याक हर्जोग आइतबार बहराइन प्रस्थान गरेका छन् । इजरायली राष्ट्रपतिको रूपमा यो उनको पहिलो भ्रमण हो । प्रस्थान गर्नुअघि हर्जोगले एक वक्तव्य जारी गर्दै यो भ्रमण दुई देशबीचको सम्बन्धमा ‘अर्को ऐतिहासिक कदम’ भएको बताएका छन् ।

भ्रमणका क्रममा हर्जोगले बहराइनका राजा हमाद बिन इसा अल खलिफा र अन्य वरिष्ठ अधिकारीसँग राजधानी मनामामा भेटवार्ता गर्नेछन् । हर्जोगले यो भ्रमणले ‘शान्तिका लागि एक अर्को कदम चाल्नेछ’ भन्ने आशा व्यक्त गरे ।
इजरायली राष्ट्रपतिको साथमा अर्थव्यवस्था र उद्योगका उद्योगीहरूको एक प्रतिनिधिमण्डल पनि बहराइन प्रस्थानतर्फ प्रस्थान गरेको छ ।

भ्रमणका क्रममा दुवै पक्षले सम्बन्ध सुदृढीकरण, शान्तिको महत्व र द्विपक्षीय सहयोग विस्तारका उपायबारे छलफल गर्ने बताइएको छ । इजरायल र बहराइनले सन् २०२० मा यहूदी राज्य र धेरै अरब देशहरूबीचको सम्बन्ध सामान्यीकरणको एक भागको रूपमा सम्बन्ध स्थापना गरेका थिए ।

यसैबीच इजरायली राष्ट्रपति हर्जोग संयुक्त अरब इमिरेट्स (युएई)का समकक्षी मोहम्मद बिन जायद अल नाह्यानसँग पनि भेटवार्ता गर्न संयुक्त अरब इमिरेट्स ९युएई० जाने इजरायली राष्ट्रपतिको कार्यालयले जारी गरेको विज्ञप्तिमा उल्लेख छ ।