भारतमा एकैदिन थपिए सवा ३ लाख संक्रमित, ४९१ जनाको मृत्यु
मकालु खबर
काठमाडौँ । छिमेकी मुलुक भारतमा कोरोनाको तेस्रो लहरमा दैनिक संक्रमितको संख्या बढिरहेको छ । त्यहाँ स्वास्थ्य मन्त्रालयका अनुसार पछिल्लो २४ घण्टामा ३ लाख १७ हजार ५३२ जनामा कोरोना संक्रमण पुष्टि भएको छ भने ४९१ जनाको मृत्यु भएको हो ।
भारतमा दैनिक संक्रमित दर परिक्षण गरिएको संख्याको १६.४१ प्रतिशत रहेको छ । त्यस्तै भारतमा एकै दिन २ लाख २३ हजार ९९० जना कोरोना संक्रमणबाट निको भएको मन्त्रालयले जनाएको छ ।
भारतमा कोरोनाको नयाँ भेरिएन्ट ओमिक्रोनका केसहरू पनि बढिरहेका छन् । अहिलेसम्म भारतका २७ राज्यमा ओमिक्रोन भेरिएन्टका ९२८ केसहरू रिपोर्ट गरिएको मन्त्रालयले जनाएको छ । भारतमा अहिलेसम्म ओमिक्रोनबाट एक जनाको मृत्यु भएको छ ।
योसँगै भारतमा सक्रिय कोरोना संक्रमितको कुल संख्या १९० लाख नाघेको छ । अहिले भारतमा १९ लाख २४ हजार कोरोनाका सक्रिय केस रहेका छन् । हालसम्म कोरोना संक्रमणबाट कूल ४ लाख ८७ हजार ४९३ जनाको मृत्यु भएको स्वास्थ्य मन्त्रालयले जनाएको छ ।
मकालु खबर
