पाकिस्तानले काबुल नियमित उडान शुरु गर्ने
मकालु खबर
२०७८ भदौ २७ गते
इस्लामावाद । पाकिस्तानको सरकारी एयरलाइन्स, पिआईएले नियमितरुपमा इस्लामावाद-काबुल उडान पुनः शुरु गर्ने भएको छ ।
पाकिस्तानको एयरलाईन्स, पिआईएले सो उडानका लागि सबै तयारी पूरा भएको र पहिलो जहाज सोमबार नै जाने जनाएको छ ।
पकिस्तान एयरलाईन्सले आइतबार विज्ञप्ति प्रकाशन गरेर सो जानकारी दिएको हो । सो एयरलाइन्सले यसअघि रोकिएको उडान अब सोमबारबाट नियमितरुपमा सुचारु गर्ने जनाएको हो ।
अफगानिस्तानमा तालिबानीले हमला गरेर सत्ता कब्जा गरेपछि पाकिस्तानको यो एयरलाइन्सले पनि आफ्ना सबै उडान बन्द गरेको थियो ।
त्यसयता यहाँका कयौँ विदेशी विमान सेवा कम्पनीले उडान बन्द गरेका थिए । तर अरु देशका यी कम्पनीले भने उडान शुरु गरेका छैनन् ।
मकालु खबर
२०७८ भदौ २७ गते
प्रतिक्रिया
सम्बन्धित