मेन्छ्यायेमकाे पालिका गायन प्रतियोगिताका विजेता पुरस्कृत
मकालु खबर
२०७८ जेठ २७ गते
तेह्रथुम । तेह्रथुमको मेन्छ्यायेम गाउँपालिकाले पालिका गायन प्रतियोगिताका विजेतालाई पुरस्कार वितरण गरेको छ । प्रतियोगितामा प्रथम हुनेमा गौखुरी माविका शिक्षक विष्णुकुमार खापुङ, मेन्छयायेम- ६ का नरेन्द्र खापुङ संयम दोस्रो र पञ्चकन्या आधारभूत विद्यालयका शिक्षक दिलकुमारी रिमाल तेस्रो भइन् ।
पुरस्कृत प्रतियोगीहरुलाई गाउँपालिकाका अध्यक्ष यादव खापुङ्ले पुरस्कार तथा प्रमाणपत्र वितरण गरेका छन् । पहिलो, दोस्रो र तेस्रो हुनेलाई क्रमश १० हजार, ५ हजार र ३ हजार रुपैयाँ पुरस्कार र प्रमाण पत्र प्रदान गरिएको गौखुरी माविका शिक्षक कमल सापकोटाले जानकारी दिए ।
यी गीतहरु रेकर्ड गरेर पालिका गानका रुपमा प्रयोग गरिने गाउँपालिकाले जनाएको छ ।
मकालु खबर
२०७८ जेठ २७ गते
प्रतिक्रिया
के कस्तो खाल्को गायन हो?