राष्ट्रपति भेट्न प्रधानमन्त्री पुगे शीतल निवास
मकालु खबर
२०७७ कार्तिक २९ गते
काठमाडौं । सत्तारुढ नेपाल कम्युनिष्ट पार्टी (नेकपा) अध्यक्ष एवं प्रधानमन्त्री केपी शर्मा ओली शीतल निवास पुगेका छन् ।
शनिवार साँझ राष्ट्रपति विद्यादेवी भण्डारीलाई भेट्न प्रधानमन्त्री ओली शीतल निवास पुगेका हुन् । भेटबारे भने प्रष्ट खुलाइएको छैन ।
नेकपा भित्रको विवाद चर्किरहेका बेला प्रधानमन्त्रीको राष्ट्रपतिसँग भेटलाई महत्वका रुपमा हेरिएको छ ।
शुक्रबार नेकपा सचिवालय बैठक बसेको थियो । बैठकमा अध्यक्ष प्रचण्डले पत्र पेश गरेका थिए । प्रचण्डले पेश गरेको पत्रप्रति प्रधानमन्त्री निकट नेताहरुले चर्को आपत्ति जनाइरहेका छन् ।शनिबार दिउँसो प्रधानमन्त्री ओलीले आफू निकट नेताहरुसँग यसबारे बालुवाटारमा छलफल गरेका थिए ।
मकालु खबर
२०७७ कार्तिक २९ गते
प्रतिक्रिया
सम्बन्धित