धरानको पशुफर्ममा आगलागी, १५ लाख बराबरको क्षति
मकालु खबर
२०७६ चैत २१ गते
चैत्र २१, सुनसरी । जिल्लाको धरानस्थित एक पशुफर्ममा आगलागी भएको छ ।
आज (शुक्रबार) दिउँसो २ बजे धरान–१५ स्थित बगरकोट नजिकै गोविन्द मार्गमा रहेको स्थानीय कविता लिम्बुको ‘मनिषा पशु फर्ममा’ आगलागी भएको हो ।
आगलागीमा परी ३२ वटा बाख्रा र सुंगुरका पाठाहरु मरेको सञ्चालक कविता लिम्बुले जानकारी दिइन् । उनका अनुसार आगलागीबाट करिब १५ लाख रुपैयाँ बराबरको क्षति भएको छ ।
आगलागी स्थानीय बसिन्दा, धरान उपमहानगरपालिकाको बारुण यन्त्र तथा प्रहरीको सहयोगमा नियन्त्रणमा लिइएको स्थानीयले बताएका छन् ।
आगलागी के कारणले भएका हो भन्ने विषय अहिलेसम्म खुलेको छैन । यस विषयमा अनुसन्धान भइरहेको इलाका प्रहरी कार्यालय धरानका डिएसपी ढुण्डीराज न्यौपानेले बताए ।
मकालु खबर
२०७६ चैत २१ गते
प्रतिक्रिया
सम्बन्धित