चालक निदाएपछी ट्रकले दियो घरलाई ठक्कर
मकालु खबर २०७६ फागुन १४ गते
फागुन १४, काठमाडौँ । तनहुँमा गुडिरहेको ट्रकमा चालक निदाएपछी ट्रक एक घरमा ठोक्किएर दुर्घटना भएको छ ।
वीरगञ्जबाट पोखरातर्फ जाँदै गरेको ना४ख८६६६ नम्बरको ट्रक चालक निदाएपछी तनहुँको व्यास नगरपालिका–१२ कमलाबारीका अवस्थित उक्त घरलाई ठक्कर दिएर दुर्घटना भएको हो ।
ट्रकले स्थानीय भोजराज पन्तको घरमा ठक्कर दिएको थियो । उक्त दुर्घटनामा ट्रक र घरको अगाडीको भागमा क्षेती पुगेको छ भने चालक सामान्य घाइते भएका छन् ।
ट्रकले घरलाई ठक्कर दिँदा घरमा कोही पनि नभएको कारण कुनै अप्रिय घटना भने नघटेको तनहुँका प्रहरी नायव उपरीक्षक लिलाराज लामिछानेले बताए ।
मकालु खबर २०७६ फागुन १४ गते
प्रतिक्रिया
सम्बन्धित
