मकवानपुरमा बुद्धचित्त र रुद्राक्षको माला सहित तीन पक्राउ
मकालु खबर
२०७६ पुस २८ गते
पुस २८, मकवानपुर । प्रहरीले मकवानपुरमा बुद्ध चित्तको माला र रुद्राक्षको माला सहित ३ जनालाई पक्राउ गरेको छ ।
मकवानपुरको मनहरी गाउँपालिका ७ मनहरीबाट प्रहरीले बुद्ध चित्तको माला र रुद्राक्षको माला सहित भारत बिहार बस्ने ३२ वर्षीय मुन्ना यादब लगायत ३ जनालाई पक्राउ गरेको हो ।
काठमाडौंबाट भारततर्फ जाँदै गरेको उनीहरु सवार बीआर ०१ पीएच ४९४० नम्बरको जिप जाँच गर्ने क्रममा उनीहरुलाई नियन्त्रणमा लिईएको ईलाका प्रहरी कार्यालय मनहरीले जनाएको छ ।
प्रहरीका अनुसार उनीहरुले झोला र प्लास्टिकको बोरामा लुकाई छिपाई लैजादैँ गरेको बुद्ध चित्तको माला १ हजार ७ सय ७० थान, सोको दाना करिब २५ किलो र रुद्राक्षको माला १ सय ४४ थान बराम गरिएको छ ।
यस सम्बन्धमा आवश्यक अनुसन्धान भइरहेको प्रहरीले जनाएको छ ।
मकालु खबर
२०७६ पुस २८ गते
प्रतिक्रिया
सम्बन्धित