बा बिनाको दशैं
मकालु खबर
२०७६ असोज १७ गते
बा तिमी बिनाको दशैं खल्लो छ
बा बिनाको दशैंको गाढा टीका
तिहारको सप्तरंगी
तीजको दर
माघे संक्रान्तिको तिलौरी र चाकु
सबै बिल्कुल खल्लो छ ।।
बरु स्वादिलो लाग्छ माकुराको जालो झैं अल्झिएका बा का यादहरु
बाको कोट अझै घरमा छ
तर छैन त्यो न्यानो मखमली माया
बाको टोपी त्यही टीभि कोठाको माथि छ
छैन बालाई देख्ने सङ्लो दृष्टि
बा हुँदा लाग्थ्यो
यी आँखाका मूलमा बलियो बाँध लागेको छ
बा गएदेखि लागिरहेछ
यो शहरको तमाम धूलो धुँवा
सबै मेरै आँखामा आउँछन् र बिझाउँछन्
यदि आँसुले स्वर्गको र्भयाङ बन्दो हो त
म भेट्थेँ बालाई र भन्थेँ
आउ न बा,
तिम्रो हालको औंला मेरा निदारमा
आर्शिवाद र जमरा फेरि लगाउन मन छ ।।
मकालु खबर
२०७६ असोज १७ गते
प्रतिक्रिया
सम्बन्धित