सल्यानमा पिकअप भ्यान दुर्घटनाः एकको मृत्यु, ६ जना घाइते
मकालु खबर २०७६ असोज १० गते
असोज १०, सल्यान । सल्यानमा पिकअप भ्यान दुर्घटना हुँदा एक जनाको मृत्यु भएको छ भने ६ जना घाइते भएका छन् ।
कपुरकोट गाउँपालिका–४ किमिचौरस्थित सडकमा लु१च ४१५३ नम्बरको पिकअप भ्यान अनियन्त्रित हुँदा उक्त दुर्घटना भएको हो । भ्यान बाटोबाट करिब २५ मिटर तल खसेको थियो ।
मृत्यु हुनेमा सल्यान कपुरकोट गाउँपालिका–४ किमिचौर बस्ने ६७ वर्षीय कमी पुन रहेका छन् । दुर्घनामा गम्भीर घाइते भएका उनको अञ्चल अस्पताल तुल्सिपुर दाङमा उपचारका क्रममा मृत्यु भएको हो ।
दुर्घटनामा घाइते भएका अन्य ६ जनाको सोही अस्पतालमा उपचार भइरहेको छ । भ्यान चालकलाई प्रहरीले नियन्त्रणमा लिएर अनुसन्धान अघि बढाइएको प्रहरीले जनाएको छ ।
मकालु खबर २०७६ असोज १० गते
प्रतिक्रिया
सम्बन्धित
